Kl 13:30 í dag verður mennskólagöngu minni formlega lokið með útskriftarathöfn í skólanum mínum, ég verð að segja á þessum tímamótum að ég er djöfulli sáttur með þetta allt :D

Ég er búinn að fokka upp sólarhringnum mínum uppá síðkastið, sem er nú ekki alveg nógu gott því ég þarf að vera hress á morgun fyrir átökin :D, fyrst verð ég með útskriftarveislu heima fyrir fjölskylduna og svona, vonandi fær maður einhverja pakka og svona ;). Eftir þetta verður síðan megaparty á Hansen hjá mér og Elísu, þetta verður eitthvað skrautlegt samt held ég, þar sem þetta verður mjög furðuleg blanda af fólki :D en hey það er bara gaman ;).

Ég fór á útskriftaræfingu í dag, þetta verður voðalega flott athöfn og er í fyrsta skipti verið að útskrifa í nýja húsnæði skólans. Ég útskrifast 2falt :D bæði sem stúdent og fjölmiðlatæknir, ofurgáfaður maður hér á ferð hahaha djók...

Ég ætlaði að hætta núna að skrifa en þá mundi ég að ég átti eftir að blogga um helgina!

Ég var að vinna á Prikinu um helgina, bara stuð og læti. Meiðsl helgarinnar eru eftirtöld 2 skurðir eftir glerbrot, 3 sígarettur í hendur og Eldhúshurð í smettið eftir slagsmál. Já það var sko nóg að gerast og brjálað að gera! Ragnar var að vinna með mér og svo var nottla Anna Brá frænka að stjórna pleisinu :D fullt af fólki kom að heimsækja mig og má þar á meðal nefna, Gassa, Ella, Sunnevu og Nönnu. 

Á laugardeginum  var nú meira vesenið, einhver bavíani sem sér um að panta áfengis byrgðirnar á staðnum gerði það greinilega ekki þannig að um hálf 4 leitið um nóttina kláraðist allur dælubjórinn á staðunum!!! það er bara pain sko. Vælandi fólk yfir að fá ekki bjór í glasi heldur flösku og álíka var meðal skemmtiatriða það sem eftir var nætur.

Ég ætla að fara að sofa núna gott fólk =) það er víst að stúdentar þurfa góðann svefn(hahha núna ætla ég að nauðga þessu stúdenta dæmi! :D)

Mér finnst ég bara ekki hafa farið út meðal fólks í mánuð! En svona í alvöru talað þá er ég búinn að vera að taka mig á í náminu sjáið til :). Planið er að útskrifast núna um jólin og bendir bara helvíti margt til þess að það muni takast eftir allt saman! Kominn tími til þar sem helvítið er komið hátt á þrítugsaldur og meðal algerra öldunga í stofnununni.

Helgin mín fór semsagt meira og minna í lærdóm, þó ég hafi skroppið eylítið út til að viðra kroppinn. Á föstudaginn síðasta á snilldarmyndina Borat!: Cultural Learnings of America for Make Benefit Glorious Nation of Kazakhstan, Ekkert smá nafn það! ég hef sjaldan á ævinni legið í jafn miklum krampa yfir einni mynd! for real þetta er bara held ég fyndnasta mynd seinni tíma! Ég man eftir einu skipti að ég hafi hlegið meira og það var á "Ég var einu sinni nörd" þegar ég sá það í fyrsta skipti. Til þess að eyðileggja ekki fyrir þeim sem ekki hafa séð myndina ætla ég ekki að segja frá atriðum myndarinnar. Please see his movie-film, if it not success he will be execute.

Allan laugardaginn sat ég heima við ritgerðarsmíði, sem var frekar leiðinlegt til lengdar. En ég þurfti að klára þetta fyrir gærdaginn.. sem ég gerði :D og búinn að skila, fyrstur meira segja. En já Garðar vildi um nóttina fá sér að borða og bauð mér með og ekki nóg með það heldur borgaði líka mat ofan í fátækann námsmanninn! Spáið í góðmennskunni, sannkallaður engill þar á ferð. Tókum smá rúnt um bæjinn og hittum Júlí sem hafði hringt í Garðar og vildi fá okkur með sér á Barinn, veit ekki alveg útaf hverju því við vorum báðir edrú og lítil stemming í okkur. Þegar ég var nýkominn heim fór rafmagnið af húsinu! um miðja nótt og ég bara ætlaði ekki að ná að setja það aftur á :| ógeðslega pirrandi var í 10 mínútur útí bílskúr að bisa við þetta og þá kom pabbi, hann hélt að það væri einhver að brjótast inn og bjóst ekkert við mér þarna. á endanum komst rafmagnið aftur á svo ég gat farið að sofa laus við óttan um að allt mundi fara á flot uppi útaf ískápunum.

Sunnudagurinn fór bara í lærdóm, gerði ekkert skemmtilegt og ekkert gerðist að ég muni :S.

Í gær mánudag fór ég í skólann og skilaði ritgerðinni minni sem ég greindi frá að ofan. En það besta við skóladaginn var matreiðsla þar sem ég fékk gourmé mat dauðans! við erum að tala um dádýralund, og heilsteiktar gæsa og anda bringur!! Shit þetta var einum of gott, lá þarna afvelta eftir þetta, borðaði skammta fyrir svona fjóra kannski og var orðinn gersamlega sprunginn! Samt hélt ég áfram að týna af bökkunum og ofan í mig því þetta var bara svo rosalega gott. Ef ég væri ekki með meltingarkerfi eins og ég er með væri ég örugglega spikfeitur :|

Í dag vaknaði ég um hálf 1 leitið og ætlaði í Íþróttir niðri í strandgötu en komst þá að því að Geir(kennarinn) var veikur, týpískt! svo ég nýtti tímann í að útbúa reikning vegna fjárstyrks fyrir útskriftarhópinn minn, fór svo í þessa tvo tíma sem ég átti að fara í og rölti svo heim. Ég þoli ekki að eiga ekki bíl! Maður er alltaf eins og einhver öreygi þegar maður mætir í skólann fótgangandi, ég get svarið það að svona 85% samnemenda minna eru á bíl, og ef ekki bíl þá á einhverjum vespum eða skellinöðrum (ekki það að mig langi í svoleiðis +o(. )

Um daginn komu litlir drengir upp að mér þar sem ég var alsaklaus að labba heim úr skólanum, þeir voru svona mestalagi 13 ára en litu samt út fyrir að vera 11 og spurðu "heyrru áttu sígó", og ég leit á þá undrandi og svaraði "nei, en áttu tíúskall?", litli strákurinn sagði "haaa,,, nehh akkru?" og ég svaraði "ég er með gott kók, ef þú ert interested" þá horfði hann á mig eins og ég væri að miða á hann byssu og gekk nokkur skref afturá bak og vinurinn með og fóru á bak við eitthvað hús skíthræddir. hahhaahhahaha alger snilld! Þoli ekki þegar lítil börn eru að fikta við reykingar.. þetta er bara svo óhemjulega asnalegt. En fyrir þeim er þetta alger töffarasprauta, verða alveg geðveikt svalir allt í einu, ég hugsa bara "kemur".

Held að þetta sé orðið gott :) farinn að finna mér eitthvað gott að borða, Sionara

Jahá ég var að koma heim af mínu fyrsta edrúdjammi síðan tunglið var í áttunda húsi vatnsberans!(semsagt langt síðan). Þetta var svona semi gaman, fullt af sætum stelpum en ég var samt einhvernveginn ekki að fýla mig eins og skildi. Guð minn almáttugur hvað fullt fólk er samt leiðinlegt haha! Sumir voru komnir allsvaðalega vel í glas og röfluðu eins og um kappræður væru í gangi.

Í gær tók ég alveg helvíti gott loka djamm fyrir langa djammpásu, stemmingin var í hámarki um 3 leitið en þá var ég kominn með símann og hringdi víst einhver samtöl sem ég man ekki eftir (sorry fólk) hahah. Allavega þá var ég í fríu áfengi alveg frá átta til klukkan 12 þannig að ég var veeeel settur ;) endaði síðan kvöldið á að fara með einhverju liði uppá hótelherbergi á 1919 og drekka þar úr minibar :D og gæjinn sem var með herbergið neyddi mig til að eiga bindið sitt haha...

þar sem ég er að fara að vera á bíl bara næstu helgar þá getur nú alveg hugsast að ég geti skutlast með fólk fyrir smá bensín pening, bara hringið í mig ;)

jæja núna er klukkan orðin margt og kominn tími fyrir ungan dreng að fara að sofa! góða nótt (K)

Síðasta mánudag varð ég 21 árs :D:D:D... ég get nú samt ekki sagt að ég hafi fengið neitt of margar gjafir, en þeir sem gáfu mér gjafir fá þakkir :*. Núna get ég keypt vín allstaðar í heiminum :D nema auðvitað í þeim löndum sem er bannað að drekka vín. omg get ekki ýtt á enter :O.

Ég tók afmælisdjammið á föstudaginn og laugardaginn, föstudeginum var það Anthony Pappa á Nasa  , var þar nú ekkert alltof lengi heldur sótti ég heim flesta skemmtistaðina í bænum. Vá hvað það er orðið eitthvað leiðinlegt að fara á Hverfis! mar nennir ekki að hanga þarna lengur en 5 mínútur, alltof troðið og það eru svona sirka 5 lög á repeat þarna. Ennþá verri staður er Vegamót shit sko það eru svona um það bil 30 manns á hverju fermetra þarna. Staðirnir sem ég ætla að halda mig við næstu djömm(sem fer reyndar fækkandi núna eftir næstu helgi!) eru gamla góða Prikið, Sólon er að koma sterkur inn og svo Barinn, það er seriously töff staður. Á laugardaginn fór ég svo í Afmæli hjá Ibbu Karls á A.Hansen fyrri part kvölds, allir þar í góðu stuði flæðandi bjór og læti. þaðan var haldið á Prikið minnir mig og síðan Sólon og eitthvað hehe man ekki meira akkúrat núna. Allavega, helgin var bara helvíti fín :D:D.

Síðast þegar ég bloggaði átti ég kærustu... en það er soldið langt síðan og þannig vill til að ég er single núna (ekki beint nýjustu fréttir).

Svo er að koma að stóru djammi, þ.e.a.s núna á föstudaginn er Reunion hjá '85 árganginum í Lækjó, þetta verður haldið á hverfis og auðvitað fullt af bjór handa öllum :D og ekki nóg með það er "litla" frænka mín hún Anna Brá að halda uppá 20 ára afmælið sitt sama kvöld, þannig að það verður nóg að gera hjá mínum í tjúttinu. Eftir þetta kvöld verður tekið djammhlé! og ekkert djammað nema brýn nauðsyn krefji, hef nefnilega heyrt að Basshunter sé á leiðinni til landsins í nóvember og auðvitað fjölmennir maður ef þær sagnir reynast sannar, vá ég hef ekki farið á tónleika síðan ég veit ekki hvenær :S.

Jæja bless í bili ;)

ok ég veit ekki hvort nokkur lifandi maður sé að tékka á þessari síðu (býst ekki við því þar sem ég er ekki búinn að setja neitt inn í margar vikur :P) en ég ætla að koma með smá blogg núna.

Ég og Herdís skelltum okkur í sumarbústað um helgina með familíunni. fórum á föstudeginum með Ingó frænda (þetta er sumarbústaður foreldra hans). Þetta var svona mestmegnis í rólega kanntinum en þó kom áfengi, sexhjól, riffill og fleira skemmtilegt við í sögunni. Haldin var brenna á laugardags kvöldinu og allt liðið sat, drakk og söng. Maturinn var tær snilld, svínarif fyrra kvöldið og nautasteik seinna, verð að játa að ég held að ég hafi bara borðað kvöldmatinn :S en jæja who gives.
 
Annars er bara verið að vinna alltaf :P það er svosem ágætt, enginn erfiðis vinna þannig séð, sit bara á stól og tala við fólk fyrir framan tölvu. Svo verður party hjá Gunnu Siggu sem vinnur með mér á laugardaginn :D alltaf gaman að fara í vinnuparty og það sem meira er, er að makar eru líka boðnir, þannig að loksins fær Herdís að kynnast liðinu almennilega eða allavega þeim sem mæta ;).

Og svo kemur að atburði ársins!! helgina fyrir verslunarmannahelgina mun Frissi aka Pimp F halda megaLAN fyrir okkur mestu tölvunörda landsins.. shitturinn hvað það verður mergjað :D og í tilefni þess keypti ég mér nýtt skjákort og battlefield 2 um daginn :D:D:D:D tölvan hefur aldrei verið í jafn hressilegu formi! en jæja þetta er orðið gott í bili held ég :) Góða Nótt

HEEELLLOO

Ég er ekki búinn að blogga síðan tunglið var í áttunda húsi vatnsberans svo ég ákvað að henda inn einni færlsu. Er sem stendur í vinnunni og hef ekki neitt að gera, enda seint í mánuðnum og þá nennir fólk ekkert að vera að hanga í bankastofnunum.

Það styttist í að litla ást (Herdís) verði tvíræð þ.e.a.s tvítug, 1. júlí næstkomandi og ætlar stelpan að halda eitthva meiriháttar partý. Hafa menn haft að orði að þar verði menn og konur í fatalausri svalldrykkju (meira að djóka en jæja). Veit ekkert hvað ég á að gefa henni í afmælisgjöf :S þannig að ef þér hafið einhverja góða hugmynd endilega settu hana í komment!

Við ætlum síðan í útilegu helgina 7-9 júlí og þess má geta að ég hef ekki farið í útilegu síðan ég var 14 ára minnir mig! Veit ekki neitt hvert við förum norður, suður, vestur eða kannski bara austur :O. Eitt er víst að mikið verður um drykkju og skemmtan!

núna veit ég ekki hvað ég á að blogga um meira svo að ég ætla bara að segja þetta ágætt í bili :)

Jæja þá er ég búinn í fyrsta prófinu mínu og þá er bara eitt eftir, sem er íslenska 403 ( sem ég hef náð áður, löng saga). Er bara búinn að vera að chilla hérna heima undanfarið að læra og módela, er að búa til Mözdu Rx-8. Ég byrjaði á þessu módeli fyrir löngu löngu síðan en hætti fljótlega og setti það á hilluna en núna um daginn ákvað ég að klára kvikindið

eiginlega ekkert annað merkilegt að gerast.... nema jú ég er búinn að sjá nýjasta Prison Break :D og ég get með sanni sagt að ég væri ekki lengur að meðal yðar ef ég væri haldinn einhverjum hjartasjúkdóm.. shit sko þetta var einum of spennandi!!

Jæja nú er að koma sumar.. Á bara eftir að taka 2 próf og síðan byrjar bara vinnan :O. Verð að vinna í Glitni í kringlunni í sumar, held að það verði bara fínt. Allir alltaf að tala um að fara til útlanda í sumar.. veit ekki alveg hvort það sé að ganga,, kannski mar skreppi eitthva smá með litlum fyrirvara aldrei að vita ;). Ég er akkúrat núna að spila einhvern últra vonlausann Heineken leik á netinu, lýst sem "flottasta netleik allra tíma. Stórglæsilegir vinningar í boði.".. hann má þó eiga það þessi leikur að kosta ekkert.. ÆÐI ég vann ekki shit :( búinn að eyða of stórum hluta ævinnar í þetta.. hehe kannski ekki en who cares heineken er hvort sem er vondur bjór. 

Rétt up hendi fólk sem fylgist með Prison Break o/.. shit þessir þættir eru svakalegir, var að lesa á netinu að næsta sería verði titluð Prison Break: Manhunt. Þetta eru samt bara roumorar ennþá þannig að maður veit aldrei, en samt virðist vera von fyrir félaga okkar Schofield og Linc the Sink að redda sér útúr fangelsinu.

Það virðist varla nokkur maður halda vatni yfir þessu minnsirkus dóti?!? hvað er málið.. þessi síða er butt ugly og litlir sem engir möguleikar í útliti og til þess að kommenta í þessu þarf maður að vera skráður inn á síðuna í sinn eiginn sirkus..argh boring subject :P

Best að fara aftur að læra, stærðfræði próf á morgun and shit

*Síðastur að kommenta verður sendur í Vínardrengjakórinn

bloggum hefur verið slegið á frest...